ඔබගේ ඉංග්‍රීසි දැනුම් මට්ටම පරික්ෂා කිරීම
ඔබ අප හා ලියාපදිංචිවීමට පෙර ඔබගේ ඉංග්‍රීසි දැනුම් මට්ටම පරික්ෂා කළ යුතු අතර එමගින් ඔබට සුදුසු පාඨමාලාව වෙත යොමු කීරීමට පහසුවනු ඇත. මේ සඳහා වේලාවක් වෙන් කර ගැනීමට 011-7521521 අමතන්න. එසේත් නැතිනම් අපගේ ඉගැන්නුම් මධ්‍යස්ථානය වෙත පැමිණ වේලාව වෙන් කර ගත හැකිය.
ඔබ පැමිණෙන විට පහත සඳහන් දේ රැගෙන එන්න.
වැඩිහිටියන් - ජාතික හැදුනුම්පත / විදේශ ගමන් බලපත්‍රය සහ රු. 1,000 (ආපසු ගෙවනු නොලැබේ)
තරුණ සිසුන් - උප්පැන්න සහතිකය සහ රු. 1,000 (ආපසු ගෙවනු නොලැබේ)
ඔබගේ ඉංග්‍රීසි දැනුම් මට්ටම පරික්ෂා කිරීමේ පරීක්ෂාව පාඨමාලාව ආරම්භ කිරීමට සති තුනකට පෙර පැවැත්වේ. ඉංග්‍රීසි දැනුම් මට්ටම පරික්ෂා කිරීමේ ඊළග පරීක්ෂාව පිළිබඳ තොරතුරු දැනගැනීමට අවශ්‍ය නම් අපව අමතන්න.
පාඨමාලා සඳහා වූ පොත් මිලදී ගන්න
පාඨමාලාව සඳහා ලියාපදිංචි වූ පසු ඔබට අවශ්‍ය පොත මිලදී ගත යුතු අතර එම පොත/පොත් යාපනයේ බ්‍රිටිෂ් කවුන්සිල් ශාඛාවෙන් මිලදී ගත හැක.
ඔබගේ පන්තියේ මිතුරන් සහ ගුරුවරයා
ඔබේ පන්තියේ සිසුන් ගණන උපරිම 20 ක් පමණි. ඔබගේ ගුරුවරයා එක්සත් රාජධානියේ සුදුසුකම්ලත් වෘත්තිකයෙකු වේ.
එක්සත් රාජධානිය විවිධාකාර, බහු සංස්කෘතික සමාජයක් වන අතර ඉංග්‍රීසි භාෂාව අන්තර්ජාතික භාෂාවකි. අපගේ සියලු ගුරුවරුන් එක්සත් රාජධානියේ සුදුසුකම් ලත් ඉගෙනුම් සම්බන්ධ ඉහළ ගුණාත්මකබවකින් හා කාර්යක්ෂමතාවකින් යුතුවේ. අපගේ ඉගැනුම් ඉගැන්විම් ද්‍රව්‍ය සියල්ල එක්සත් රාජධානියෙන් වීම සිසුන් හට තම දැනුම මනා ලෙස වර්ධනය කර ගැනීමට විශාල පිටුවහලක් වනු ඇත.
පුස්තකාල සේවා සඳහා ප්‍රවේශය
ඔබ ඉගෙන ගන්නා විට හැකි තරම් ඉංග්‍රීසි බස භාවිත කිරීම කොතරම් වැදගත්දැයි අපි දන්නා නිසාම අපගේ සිසුන් සඳහා ඔවුන්ගේ පාඨමාලාවලට අදාළ පොත් පත් නිදහසේ පරිශිලනය කීරීමට අපගේ (විමර්ශන අංශය) පුස්තකාලයට නොමිලේ සාමාජිකත්වය ලබා දෙනු ඇත.
සඟරා, DVD, පුවත්පත් සහ පොත් 3000 කට අධික සංඛ්‍යාවක් තිබෙන අපේ ප්‍රධාන පුස්තකාලයට එක්වීමට ඔබට තීරණය කළ හැකිය. කථන පුහුණු සැසි, අධ්‍යයන කුසලතා වැඩමුළුවලට මෙන්ම අපගේ කථන සමාජය සඳහා ද සහභාගී විය හැකිය. පුස්තකාල සේවා පිළිබඳ වැඩි විස්තර සඳහා අපගේ ශාඛාව වෙත පිවිසෙන්න.
