අපගේ ඉංග්‍රිසි කථනය පිළිබඳ පාඨමාලාව හා සම්බන්ධ වන ඔබට සවන් දීම, කථනය මෙන්ම වචන නිවැරදිව උච්චාරණය කිරීමේ කුසලතාවයන් වැඩි දියුණු කරගැනීමට අවස්ථාව සැලසේ. එදිනෙදා අවස්ථාවන්හිදී ඉංග්‍රිසි බස ව්‍යක්තව සහ විශ්වසනියව හැසිරවීමට ඔබ සතු හැකියාව වැඩිදියුණු කරගන්න.
පැය 20ක් පුරා විහිදුණු මෙම පාඨමාලා ශ්‍රවණ, කථන සහ උච්චාරණ කුසලතාවන් වැඩි දියුණු කරගැනීම සඳහා ඔබට ප්‍රයෝජනවත් වනු ඇත. එදිනෙදා අවස්ථාවන්හිදී ඉංග්‍රිසි බස ව්‍යක්තව සහ විශ්වසනියව හැසිරවීමට ඔබ සතු හැකියාව වැඩිදියුණු කරගැනීමටත් මෙය මහඟු අවස්ථාවකි.
ඔබගේ ඉංග්‍රීසි මට්ටම කුමක් වුවත්, පළමු පාඩමේ සිටම ඉංග්‍රීසි භාවිතා කිරීමට අපි ඔබට සහාය දෙන්නෙමු!
බ්‍රිටිෂ් කවුන්සිලයේ මෙම පාඨමාලාව ඔබ විසින් තෝරාගත යුත්තේ ඇයි?
ඔබ, අපත් සමග ඉංග්‍රිසි කථන පාඨමාලාව හා එක් වී:
- සුදුසුකම්ලත් පළපුරුදු ගුරුවරයෙක් සමග ඉංග්‍රීසි ඉගෙනගන්න
- යුගල සහ කණ්ඩායම් සමග වැඩ කරමින් එදිනෙදා ජීවිතයට අවැසි සන්නිවේදන කුසලතා වර්ධනය කර ගැනීම
- පංති කාමරයේ ක්‍රියාකාරකම් මාලාවන් සහ ඉංග්‍රීසි බස පිළිබඳව ඔබ තුළ වැඩි ප්‍රබෝධයක් ඇති කරවන අධ්‍යාපනික මෙවලම් සමගින් ශ්‍රවණය, කථනය, කියවීම සහ ලිවීම පිළිබඳව පුහුණුව ලබන්න.
- ඉංග්‍රීසි බස ඉගෙනීම සම්බන්ධව ස්වාධින පුද්ගලයෙකු වෙන්න.
- ඉංග්‍රිසි ඉගෙනීම විනෝදජනක අත්දැකීමක් කරගන්න.
- පුස්තකාල පරිශීලනය සඳහා අවශ්‍ය සාමාජිකත්වය ඔබට නොමිලේම හිමි වේ
ඔබේ දැනුම් මට්ටමට සරිලන නිවැරදි පාඨමාලා
සියලුම සිසුන් සඳහා මෙම ඉංග්‍රීසි කථන පාඨමාලා පූර්ව-මධ්‍යම පෙළ (Pre-intermediate) සහ මධ්‍යම පෙළ (Intermediate) ලෙස වෙන්කර ඇත. ඔබ බ්‍රිටිෂ් කවුන්සිලයට නවකයෙක් නම්, ඉංග්‍රීසි බස පිළිබඳව ඔබේ දැනුම් මට්ටම පිළිබඳව පරීක්ෂණයකට සහභාගී වීමට ඔබට සිදුවේ.
ඇමතුමක් මගින් හෝ එසේත් නැතිනම් අපගේ ඉංග්‍රිසි භාෂා ඉගැන්නුම් මධ්‍යස්ථාන වලින් එම පරීක්ෂණය සඳහා වේලාවක් වෙන් කරවාගන්න.
ඉංග්‍රීසි බස පිළිබඳ මාගේ දැනුම පරික්ෂා කරන්නේ කෙසේද?
ඉංග්‍රීසි බස හා කථන හැකියාව පිළිබඳ ඔබගේ සාර්ථකත්වය අප විසින් තක්සේරු කරනු ඇත.
මන්ද ඒ හරහා ඔබේ හැකියාව, සාර්ථකත්වය පිළිබඳව ඔබටම යම් අවබෝධයක් ලැබෙන අතර තව තවත් ඉදිරියට යාමට අවශ්‍ය වටපිටාව සකස් කිරීමට සහය වීමට හැකි බැවිනි.